Maraming dapat ipagdiwang
08-8-08Hindi umiikot ang universe (naks dati mundo lang ang naaabot ng persepsyon ko at bokabolaryo at therefore vice-versa) sa akin. Hindi umiikot ang buhay sa akin. Hindi ako narito para pasayahin at paunlarin lang ang sarili ko. Bagkus, narito ako para pasayahin at paunlarin ang paligid ko. Sa halip na isipin ko kung ano’ng makukuha ko mula sa universe at sa buhay, dapat kong isipin kung ano ang maibibigay ko dito.
*
Hindi ko kailangang patunayan ang sarili ko sa lahat ng tao at sa lahat ng oras. Hindi ko rin kailangang magpaliwanag palagi.
*
Iniisip ninyo sigurong hibang ako dahil sa mga ginagawa ko at sa buhay na pinipili ko. Hibang nga siguro ang mga taong matapang para umibig ng totoo. Sapagkat, iniibig ko ang buhay, ang katwiran at ang lahat ng nasasaklaw nito.
